Kuch geet yu hi puraane se
kuch kisse jaane pehchaane se
khoye the jo yaado ki parto me
aaye saamne kal parso me
yaado ki band khidki khul gayi
ye rooh tujhe dekh sihar si gayi
jo gum the yu hi kaaydo me
yaad aa gaye purane waaydo me
kalpana ki chaadar od liye
humne kitne ki safar kiye
khud ko kabhi tumhaare paas paaya
kabhi chu ke gaye tumhara saaya
yaadein ubhari syali si
barsaat me chai ki pyali si
par ye yaadein bhi to asthayi hain
bedard nisthur harjaayi hain
fir humne hamesha kyu itne jatan kiye
ab tumhe bhoolne ke firse prayatn kiye
yaado ki khidkiyan fir band hui
teri parchaayiya kuch mand hui
vastavikata ka nakaab humne pehna
brahm ki ghata ka utaara gehna
yu firse satakar mat jaana
kal se kal me aa jao aise aana
This comment has been removed by the author.
ReplyDeleteWow wonderful..
ReplyDeleteI liked the way you presented..
Enjoyed every lines of it..
Fantastic.. thanks for sharing
And wishing you a very joyful day ahead
Keep smiling :)
Thank You Bhavik. I am glad you liked it :)
Delete